Workplace from Meta भनेको प्रयोगकर्ताहरूलाई कार्यस्थलमा सहकार्य गर्ने र जानकारी सेयर गर्ने अनुमति दिने Meta ले बनाएको अनलाइन प्लेटफर्म हो। Workplace प्लेटफर्ममा Workplace का वेबसाइट, एप र सम्बन्धित अनलाइन सेवा‍ (समग्रमा "सेवा" भनेर बोलाइने) समावेश हुन्छ।

यो गोपनीयता नीतिले तपाईंल उक्त सेवा प्रयोग गर्दा तपाईंको जानकारी कसरी सङ्कलन, प्रयोग र सेयर गरिन्छ भन्ने कुराका बारेमा वर्णन गर्छ।

यो सेवा सङ्गठनहरूले तिनका निर्देशनअनुसार प्रयोग गर्नका लागि बनाइएको हो र उक्त सेवा तपाईंलाई तपाईंको रोजगारदाताले वा तपाईंलाई उक्त सेवा प्रयोग गर्ने अनुमति प्रदान गर्ने अन्य सङ्गठनले (तपाईंको ”सङ्गठन”) प्रदान गर्छ।

यो सेवा तपाईंले प्रयोग गर्न सक्ने Meta का अन्य सेवाभन्दा छुट्टै सेवा हो। Meta का ती अन्य सेवाहरू तपाईंलाई Meta ले प्रदान गरेका हुन् र ती सेवाकै सर्तहरू लागू हुन्छन्। यद्यपि यो सेवा भने तपाईंको सङ्गठनले प्रदान गर्छ र यो गोपनीयता नीति, Workplace मा स्वीकार्य प्रयोजनसम्बन्धी नीति र Workplace का कुकीसम्बन्धी नीति लागू हुन्छन्।

तपाईंको Workplace खाता (“तपाईंको खाता”) तपाईंको सङ्गठनले प्रदान गर्छ र उक्त खाताका लागि सो सङ्गठन नै जिम्मेवार हुन्छ। तपाईंले सेवामार्फत पेस वा प्रदान गर्ने कुनै पनि डेटा सङ्कलन गर्ने कार्यका लागि पनि तपाईंको सङ्गठन नै जिम्मेवार रहन्छ र त्यस्ता प्रयोजन तपाईंको सङ्गठनले Meta सँग तोकेका सर्तहरूअनुरूप हुनु पर्छ।

यो गोपनीयता नीतिका अतिरिक्त तपाईंको सङ्गठनले अतिरिक्त नीति वा आचार संहिता तोकेका हुन सक्छ र तपाईंले सेवा प्रयोग गर्ने सम्बन्धमा ती नीति तथा आचार संहिता लागू हुने छन्।

तपाईंसँग सेवामाथि आफ्नो प्रायोजनका बारेमा कुनै प्रश्न भएमा कृपया आफ्नो सङ्गठनमा सम्पर्क गर्नुहोस्।

I. कस्तो प्रकारको जानकारी सङ्कलन गरिन्छ?

तपाईं, तपाईंका सहकर्मी वा अन्य प्रयोगकर्ताले सेवा प्रयोग गर्दा तपाईंको सङ्गठनले निम्न प्रकारका जानकारी सङ्कलन गर्ने छ:

तपाईंको नाम र थर र इमेल ठेगानालगायतका तपाईंको सम्पर्क जानकारी;
तपाईंको प्रयोगकर्ता नाम र पासवर्ड;
तपाईंको रोजगारको पद, विभागसम्बन्धी जानकारी र तपाईंको काम वा सङ्गठनसँग सम्बन्धित अन्य जानकारी;
तपाईंले खाताका लागि साइन अप गर्ने, सामग्री बनाउँदा वा सेयर गर्ने र अरूलाई म्यासेज पठाउने वा अरूसँग सञ्चारमार्फत वार्तालाप गर्नेलगायत सेवा प्रयोग गर्दा उपलब्ध गराउने सामग्री, सञ्चार र अन्य जानकारी। यसअन्तर्गत फोटोको लोकेसन वा फाइल बनाइएको मिति जस्ता तपाईंले प्रदान गर्ने सामग्री (जस्तै मेटाडेटा) मा रहेको जानकारी वा उक्त सामग्रीका बारेमा जानकारी समावेश हुन सक्छ;
अन्य मानिसले यो सेवा प्रयोग गर्दा उपलब्ध गराउने सामग्री, सञ्चार र जानकारी। यसअन्तर्गत उहाँले तपाईंको फोटो सेयर गर्ने वा उक्त फोटोमा कमेन्ट गर्ने, तपाईंलाई म्यासेज पठाउने वा तपाईंको सम्पर्क जानकारी अपलोड, सिंक वा इम्पोर्ट गर्नेलगायत तपाईंका बारेमा जानकारी समावेश हुन सक्छ;
सेवाका अन्य प्रयोगकर्तासँग गरिने सबै सञ्चार;
तपाईंको सङ्गठनलाई पठाइएका प्रयोगकर्ताका सञ्चार, प्रतिक्रिया, सुझाव र उपायहरू;
बिलिङसम्बन्धी जानकारी; र
तपाईं वा तपाईंको सङ्गठनले सेवाका सम्बन्धमा प्लेटफर्मको सहायता विभागमा सम्पर्क गर्दा वा उक्त कार्यमा संलग्न हुँदा तपाईंले उपलब्ध गराउने जानकारी।

II. तपाईंको सङ्गठनले यो जानकारी कसरी प्रयोग गर्छ?

Meta लाई तपाईंको सङ्गठन र अन्य प्रयोगकर्ताहरूका लागि सेवा प्रदान गर्ने र उक्त सेवाका लागि सहायता प्रदान गर्ने अनुमति दिनका निम्ति र तपाईंको सङ्गठनले तोकेका अन्य कुनै पनि निर्देशनअनुसार तपाईंको सङ्गठनले सङ्कलन गर्ने जानकारी प्लेटफर्मको प्रदायकका रूपमा Meta सँग सेयर गर्ने छ। त्यस प्रकारका प्रयोजनका उदाहरणहरू:

प्रयोगकर्ता र एड्मिनले गर्ने सेवाको प्रयोजनका सम्बन्धमा उहाँहरूसँग सञ्चार गर्ने;
तपाईंको सङ्गठन र अन्य प्रयोगकर्ताका लागि सेवाको सुरक्षा परिष्कृत गर्ने, जस्तै शङ्कास्पद क्रियाकलाप वा प्रचलित सर्त वा नीतिको उल्लङ्घनहरूका बारेमा अनुसन्धान गर्ने;
सेवाको प्रावधानका रूपमा तपाईं र तपाईंको सङ्गठनको सुविधा पर्सनलाइज गर्ने;
तपाईंको सङ्गठनको सेवाभित्र नयाँ टुल, उत्पादन वा सेवाहरू विकसित गर्ने;
सेवाको समग्र सञ्चालनको गुणस्तर सुधार गर्नका निम्ति एउटै व्यक्तिले चलाउने विभिन्न डिभाइसमा सेवामा क्रियाकलाप कनेक्ट गर्ने;
बगहरू भएमा ती बगहरू पत्ता लगाउने र सच्याउने; र
सेवाको गुणस्तर सुधार गर्ने प्रयोजनका लागि डेटा र सिस्टमको विश्लेषण सञ्चालन गर्ने।

III. जानकारीको खुलाउने सम्बन्धमा

तपाईंको सङ्गठनले सङ्कलन गरिएको जानकारी निम्न तरिकामा खुलाउँछ:

सेवा वा उक्त सेवाको कुनै भाग प्रदान गर्न सहायता गर्ने तेस्रो पक्षीय सेवा प्रदायकहरूलाई;
तपाईंले सेवामार्फत कनेक्ट गर्ने तेस्रो पक्षका एप, वेबसाइट वा अन्य सवाहरू;
सेवाको ट्रान्स्फर, मर्जर, एकीकरण, एसेटको बिक्री वा दिवालियापन वा टाट पल्टिने अनपेक्षित अवस्थामा जस्ता निगमको ठुलो कारोबारको सम्बन्धमा;
कुनै पनि व्यक्तिलाई सुरक्षित राख्न; जालसाजी, सुरक्षा वा प्राविधिक समस्याहरू समाधानगर्न;र
उपस्थिति पत्र, वारेन्ट, जानकारी खुलाउने आदेश वा कानुन प्रवर्तन निकायबाट प्राप्त अन्य अनुरोध वाआदेशका सम्बन्धमा।

IV. तपाईंको जानकारी प्रयोग र परिमार्जन गर्ने सम्बन्धमा

तपाईं वा तपाईंको सङ्गठन आफूले सेवाभित्र उपलब्ध टुलहरू प्रयोग गरेर (उदाहरणका लागि, आफ्नो प्रोफाइलसम्बन्धी जानकारी सम्पादन गरेर वा क्रियाकलाप लगमार्फत) आफूले सेवामा अपलोड गरेका जानकारी हेर्न, सच्याउन वा मेटाउन सक्नुहुन्छ। तपाईंले सेवामा उपलब्ध गराइएका टुलहरू प्रयोग गरेर यसो गर्न सक्नुभएन भने तपाईंले आफ्नो जानकारी हेर्न वा परिमार्जन गर्न सीधै आफ्नो सङ्गठनलाई सम्पर्क गर्नु पर्छ।

V. EU-U.S। डेटासम्बन्धी गोपनीयताको फ्रेमवर्क

Meta Platforms, Inc. ले EU-U.S. मा आफ्नो सहभागीता प्रमाणित गरेको छ। डेटासम्बन्धी गोपनीयताको फ्रेमवर्क। हामी EU-U.S. मा निर्भर छौँ। डेटासम्बन्धी गोपनीयताको फ्रेमवर्क र युरोपेली आयोगको सम्बन्धित पर्याप्तताको निर्णय, संयुक्त राज्यमा स्थित Meta Platforms, Inc. मा जानकारी ट्रान्स्फरका लागि, उक्त प्रमाण पत्रमा तोकिएका उत्पादन र सेवाहरूका लागि। थप जानकाारी चाहिएमा कृपया Meta Platforms, Inc. को डेटासम्बन्धी गोपनीयताको फ्रेमवर्क खुलासाको समीक्षा गर्नुहोस्।

VI. तस्रो पक्षीय लिंक र सामग्री

यो सेवामा तपाईंको सङ्गठनल नियन्त्रण नगर्ने तेस्रो पक्षले सञ्चालन गर्ने सामग्रीका लिंकहरू समावेश हुन सक्छन्। तपाईंले आफूले खोल्ने हरेक वेबसाइटका गोपनीयता नीतिको समीक्षा गर्नु पर्छ।

VII. खाता बन्द गर्ने सम्बन्धमा

तपाईं सेवा प्रयोग गर्न छाड्न चाहनुहुन्छ भने तपाईंले आफ्नो सङ्गठनलाई सम्पर्क गर्नु पर्छ। यसै गरी, तपाईं सङ्गठनका लागि वा सङ्गठनसँग काम गर्न छाड्न चाहनुहुन्छ भने तपाईंको सङ्गठनले तपाईंको खाता निलम्बन गर्न र/वा तपाईंको खातासँग सम्बन्धित सबै जानकारी मेटाउन सक्छ।

सामान्यतया खाता बन्द भएपछि खाता मेटिन लगभग ९० दिनसम्म लाग्छ तर केही उपयुक्त समयावधिका लागि भने केही जानकारीको ब्याकअप राखिने छन्। तपाईंले सेवामा बनाउनु हुने र सेयर गर्नु हुने सामग्री तपाईंको सङ्गठनको स्वामित्वमा रहन्छ र सेवामै रहिरहन सक्छ र तपाईंको सङ्गठनले तपाईंको खाता निष्क्रिय वा खारेज गरे तापनि उक्त सामग्री प्रयोग गरिन सक्छ भन्ने कुराका बारेमा कृपया ख्याल गर्नुहोस्। यसै गरी, तपाईंले सेवामा प्रदान गर्ने सामग्री तपाईंले काम गर्ने क्रममा सिर्जना गर्न सक्ने अन्य प्रकारका सामग्री (जस्तै, प्रेजेन्टेसन वा मेमो) सँग मिल्दाजुल्दा हुन्छ।

VIII. गोपनीयता नीतिमा गरिने परिवर्तनहरू

यो गोपनीयता नीति समय समयमा परिवर्तन हुन सक्छ। परिवर्तन गरिँदा पुछारमा रहको “पछिल्लो पटक संशोधन गरिएको मिति” पनि परिवर्तन हुने छ र नयाँ गोपनीयता नीति अनलाइन पोस्ट गरिने छ।

IX. सम्पर्क

तपाईंसँग यो गोपनीयता नीति वा Workplace मा स्वीकार्य प्रयोजनसम्बन्धी नीति का बारेमा कुनै प्रश्न भएमा कृपया आफ्नो सङ्गठनको एड्मिनमार्फत सङ्गठनलाई सम्पर्क गर्नुहोस्।

क्यालिफोर्नियाका निवासीहरूका लागि तपाईं आफ्नो सङ्गठनको एड्मिनमार्फत आफ्नो सङ्गठनलाई सम्पर्क गरेर उपभोक्ताको गोपनीयता अधिकारका बारेमा थप जान्न सक्नुहुन्छ।

पछिल्लो पटक संशोधन गरिएको मिति: १० अक्टोबर २०२३